Версия для слабовидящих

Сажидин Саидгасанов

Тамашзава гьетер кьакьан цаварай
Лезги халкьдиз кьве паталди пай хьайи.
Шалбуз дагъни аватнава ахварай.
Дерт кьве патал пайиз, рик1ин ц1ай хьайи.
Къе виридан вил вал ала, Шарвили!

Есирвиле гьатнава муьгъ «къизилдин».
Самур вац!ун т1варни гила «чай» хьайи.
Къагьриман хва, чи асилдин, несилдин,
Гьар са ч1авуз эверайдаз «гьай» хьайи,
Къе виридан вил вал ала, Шарвили!

Рик1 пад жезва, рагь экъеч1из, ак1изва.
Лезги чилин дерт аваз вай-зай хьайи.
Самурдин там цихъ къаних яз рекьизва,
Кутуг тавур кьисметдикай пай хьайи,
Къе виридан вил вал ала, Шарвили!

08.07.2016

Возврат к списку