Версия для слабовидящих

НОВЫЕ СТИХИ О ШАРВИЛИ

Муьзеффер
МЕЛИКМАМЕДОВ

“Зи къазаяр, зи сузаяр”
шиирдай

Шарвилидин хтулар,
Къарагъ к1вачел, птулар.
Чазбубайриц1айгана.
Мердвиликай пай гана.
Табий тежен девлериз,
Рехъ жагьурин дердериз.
Чи чил, чи ч1ал, чи бахтар
Мягькемдаказ хуьн, дустар.
Тахьайт1а чун кармашда,
Пехъери хьиз тарашда,
Шарвилидин т1вар кьуна,
Гьатин къе чун шанкьуна.
Вири сад хьиз экъеч1на,
Къе садвилив эгеч1на,
Шарвилидихъ к1ул кутан,
Душманарихъ фул кутан.
Мад ксумир, уях хьухь.
Сад хьайит1а, ч1алахъ хьухь,
Элк1евераак1идач.
Рекьидач чун, рекьидач!!!


Нариман КЪАРИБОВ

“Шарвили ” эпосдин
суварин бейтер
(Лезги халкьдин сивин
яратмишунрин бинедаллаз)

Лайихлу тир гьуьрмет ава
Лезги халкьдиз акьул-дерин.
Шарвилидин жуьрэт авай
Имам хциз - виш аферин!

Билбил къушран луварик квай
Манидаррин шадвал аку!
Шарвилидин суварик квай
Лезги халкьдин садвал аку!

Шалбуз дагъдин ценер тирвал
Чар булахар ргаз ава.
Симерлай физ, кьуьлиз цава,
Пагьливанар къугьваз ава.

“К1елез хивел”, аршда цава
Шем- чирагьар куьк!венва къе.
Шарвилидиз икрамзавай
Зияратдиз элкъвенва къе.

Суварин ким - Ахцегь шегьер
Югъ-къандавай абад хьурай!
Гьар са к1вале бул хьана хъвер,
Дердерикай азад хьурай!

Кьакьан дагьдин Къурушдални
Зуьрнейрин дем ала къавал.
Чириз вири Дагъустандиз,
Далдамдинни гатазва къвал.

Мугьманрин сан-гьисаб авач
Чи сувариз килигзавай.
Мубаракиз жезвач яваш,
Вири кхьирктаб авач!

Хайи чилин багьа къашар –
Лезги рушар жергедава.
Гьарма сад билбилдиз ухшар
Мани лугьуз сегьнедава.

Гьа ик1 физва суварар чи,
Кьиле тухуз галат тийиз.
Пакад йикъаз я чун к1вачин,
Пак рекьелай алат тийиз.

Квез муштулух, к1ват1 хьухь,
эллер
Шарвилидин суварик ша!
Гьич садани мийир гьилле,
Лифрен зиринг луварив ша!



Гуьзела ГЬАСАНОВА


Шарвилидин суварик...

Накь чун, дустар, к1ват1 хьанвай
мад Ахцегьа,
Шарвилидин сувар къейдиз
лап багьа.
Сур дагълари авадарна биришар,
Такабурдив вилив хуьзвай
танишар.
Экуьн кьиляй серинвал квай
шагьварди
Хушвилелди кьабулнай гьар
атайди.
Рагьни шад тир мад акунал
мугьманар-
Чимивилел рази хьанай инсанар.
Гьар са патай Лезгистандин
векилар
К1ват1 хьанвай накь, шадар ийиз
гуьгьуьлар

Им бахт тушни, хтана чилел хайи,
Дамах ийиз тарихдин гелел лезги!
Къалин хьанвай гуьруьшарни
суьгьбетар,

Сад хъхьанвай патал алай
кьисметар.
Дагъустанда уьмуьрзавай
миллетри
Къимет гана ахцегьвийрин
гьуьрметриз.
Хуьруьн майдан ухшар тир
са сегьнедиз
Манидин ван чк1анвай лап
Куьредиз.
Серин тарцик са шаиррин
кIват1алди
Ихтилатар авуна лап тухдалди.
Сувар хьана, валлагь,
пара чIагайди,
Туьтуьнлай физ гьар са касди
лагьайди.
Чешне хьана и мярекат шадвилин
Шегьре рекье чи лезгийрин
садвилин.



Гуьлжагьан

МИСРИХАНОВА

Хквезвалда Шарвили

Хквезвалда лезги чилел
МадШарвилияр.
Шад жедалда мукьварал
Чи ватанзгьлияр.
Гимишдинди ялда турни
Шарвилидив гвай.
Асландилай зирек тир
Къуватарни квай.
Гьерекагни Шарвилиди
Гъизвалда вичин.
Къалурдалда гьунарарни
Чи лезги чилин.
Бегъер кутар чи багьларик
Гвалда алатар.
Гьар са кIвал къеле жедалда
Галай гьаятар.
Гахчудалда кьве паднавай
Самурдин чуьллер.
Яргъи ялда Шарвилидин
Къуват квай гъилер.
Мягькем жезвалда чи ч1ални,
Къвезвалда виняй.
Ак1 хьайила аватдач чун
Садрани виляй.
Гьатнавалда дагълара ван
Чк1из арандиз.
Эвер гузва лезги халкьдиз
Хтун Ватандиз.
Савда ийиз Бакудиз фин
Ялда кьуьруькар.
Кьасумхуьрел эцигдалда
Чпин фабрикар.
Къайда жеда Куьре пата
Йикъалай-къуз.
Гьазур ялда хуьреризни
Ивар шегьердин гуз.
Терек я куьн, герек я куьн,
Шарвилияр, чаз.
Авадан хьуй чи лезги чил,
Куьне къайда тваз.


Нариман ИБРАГЬИМОВ

Шарвили чаз герек я

Шагь дагъларин лацу кук1вар,
Чигциферин къужахдавай.
Дереярни хуьрер-мулкар,
Ал нурарин ишигьдавай.

Къадим чиляй бугь акъатиз,
Цавун юкьвал булут кьазвай.
Фена вахтар гум акъатиз,
Пагьливанар бурут жезвай.

Ц1ийи рекьер, ц1ийи к1валер,
Шегьерриз чеб ухшамиш тир.
Шарвилидин къадим чилер,
Женнетдиз лап ярамиш тир.

Хуш шикилар, гуыьуьлар нуш
Амач, амач, рикI ч1улав я.
Мукьвал къара акур кар туш,
Халкь тунвайди цIун ялав я.

Я газ амач, я экв кIвале,
Къуба пата яс гьатнава.
Са пад къуза, са пад гуьне,
И гьахъсузвал мус алатда?

Чилин сергьят, халкьдин садвал,
Шарвилидин веси тир чаз.
Чи гележег, бахт, абадвал,
Гьа садвиляй аквазва чаз.

Нурида къе сувар-тават,
Эллерин гьай шадвилиз я.
Зуьрнейрин сес - руыъдин къуват,
Девирдин гьай садвилиз я.

Шарвилидин К1елед хивел –
Инсанрин ц!иргь - Алпанд ц1ай хьиз.
Куьне-куьне ахмиш я эл,
Самур селдив ац1айла хьиз

Мел-мехъеррин т1арат!ар хьиз,
КIелед хивел пайдах къугьваз.
Женгерин вахт мукьваллай хьиз,
Пагьливанар - кьуршахар кьаз.

Жаван, аял, кьуьзуь, агьил,
Руьгьдиз такьат гузва зурба.
Жергейрава гьилеваз-гьил,
Самурни Хив, Куьре, Къуба.

Эмирован парк майдан я,
Суваррин эл кьабулзавай.
Начагъ чандиз лап дарман я,
Халкьдин нефес галукьзавай.

Зуьрнедин ван, манидин сес,
Лезги, агъул, рутул чIалал.
Хкажзавай гуьгьуьл, гьевес,
Чи Къагьриман, Роза, Тарпан.

Гьуьжетрава зуьрнечияр,
Манидарар, ханандаяр.
Квахьрай гьуьлуьз зинечияр,
Фитнечияр, хаиндарар.

Экуьнилай рагьдандалди,
Ахцегь шегьер мерд акуна.
Зуьрнейрилай чуьнгуьрралди,
Лезги кьуьлер серт акуна.

Чи халкьарин зурба сувар
Ругьдиз къуват гудайди я.
Дагьдин лекьрен мягькем лувар
Халкь бахтунихъ гьидайди я.

Чи халкъарихъ вири авай,
Кимиди са регьбер тир чаз.
Вичихъ чилин къадир авай
Хцин т1вар кьаз лап хуш я чаз.

Акун гьикьван шад я рик1из
Халкьарихъни регьбер лайих.
Пак мурадар тухуз кьилиз,
Къайдадиз чи хкин тарих.

Кьулан вац1ун сергьятдин т1ал –
Халкьдин садвал, чилин садвал.
Селдиз къуват гъизвай Ст1ал,
Чи мурадрин ая шагьвал.

Суварар хьуй, мехъерар хьуй,
Шарвилидин тарихдин тур.
Зегьмет ч1угваз бегьерар гьуй,
Азадвилин рикIеваз нур.


"Лезги газет"


03.08.2017

Возврат к списку