Версия для слабовидящих

Новости

С 1 августа 2018 года повышена пенсия работающим пенсионерам

Снимок.JPGАлай йисан 1-августдилай кIвалахзавай пенсионерриз гузвай пулар артухарнава. Дагъустандин Пенсийрин фондунин пресс-къуллугъдай хабар гайивал,
республикада кIвалахзавай 124687 кас пенсионерар ава. Страховой пенсийрин гьисабар кьун хъувун патал Россиядин Пенсийрин фондунин бюджетдай 2018-йисуз 10,7 миллиард манат чара авун къалурнава.
ЦIийикIа гьисабар кьан хъийидай пенсионеррин арада 2017- йисуз кIвалахдалди таъминарзавайбуру страховой взносар алава хъувунвай ва ганвай, чпи кьуьзуьвилин ва инвалидвилин пенсия къачузвайбур ава. «ЦIийикIа гьисабар кьун хъувунин серенжем гьар йисуз, арза галачиз, кьиле тухузва», - гъавурдик кутуна ОПФРдин РД-да авай территориальный органди.
- Алава хъжедай пулдин кьадар гьар са касдиз кьилди-кьилди тайинарзава. И карда налогар ганвай мажибди еке роль къугъвазва. Виридалайни кьилин кьадарди, 2017- йисан гьисабралди, пенсийрин 3 балл, яни 235,74 манат тешкилзава, - алава хъувуна чешмеди.
РикIел хкин: 2017-йисан августдиз Пенсийрин фондуни 2016- йисуз кIвалахнавай пенсионеррин пулар хкажуниз 11,8 миллион харжна. КIвалахзавай пенсионеррин пул юкьван гьисабдалди 169 манатдин артух хьана. И категориядик акатзавайбурун пенсийрин индексация 2016-йисалай акъвазарнава.

Автор: Хазран Касумов

Газета "Кюринские известия"


Количество показов: 102
16.08.2018

Возврат к списку