В газете "Лезги газет" о ходе уборки винограда сельхозтоваропроизводителями Сулейман-Стальского района
Сулейман-Стальский райондин экономикада уьзуьмчивили кьет1ен чка кьазва. Санлай къачурла, райондин хуьруьн майишатдин карханайрихъ, лежбервилинни фермервилин майишатрихъ, арендаторрихъ 1360,7 гектар уьзуьмлухар ава, абурукай 906 гектар жегьил, амайбурни бегьердал атанвай уьзуьмлухар я. Районда йисалай-суз уьзуьмлухрин майданар ва к!ват1 хъийизвай бегьердин кьадарни артух жезва. Ик1, алатай йисуз районда 95,1 гектарда ц!ийи уьзуьмлухар кутуна ва 9253 тонн ципиц!ар к1ват! хъувуна.
Райондин хуьруьн майишатдин ва суьрсетдин управленидин начальник Мегьамедзагьид Бабаева чаз лагьайвал, ц1и карханайрин ва арендаторрин участокра ципиц1рин тарифдин бегьер ава, гьавиляй районда 9500 тонндилай т1имил тушиз ракъинин кагьрабаяр к1ват1 хъувун планламишнава.
Районда уьзуьмчивилел машгъул тир к!венк!вечи карханаяр ава: “Зардиян", “Шереяр", Гуьлгери-вац1 ООО-яр, “Заря”, “Алагьвердиев", “Н.Ягьяев" КФХ-яр ва масабур. Уьзуьмлухар арендада кьуна к1валахзавай, гьар йисуз тарифдин бегьер к!ват1 хъийизвай кьилдин ксарин кьадарни гзаф я.
Районда сифтебурукай яз ципиц!ар к1ват1 хъувунив Эминхуьруьн арендаторар эгеч1нава. Ингье, чун Дагъустан Республикадин хуьруьн майишатдин лайихлу работник Алимирзе Агьамирзоеван уьзуьмлухра ава. Вичи саки 30 йисуз “Аламишинский" совхозда ва “Зардиян” ООО-да уьзуьмчивилин бригададин бригадирвиле ва кьилин згрономвиле к1валахай ААгъа- мирзоеван к1вачихъ 7,5 гектар уьзуьмлухар гала, анагар чешнелу гьалда ава, дигмиш хьанвай бегъердини рик1ерик шадвал кутазва.
- Захъ “Молдова", “Ркацител- ли" ва “Биянка” сортарин ципиц1ар ава, - лугьузва арендаторди. - “Биянка" фад дигмиш жезвай сорт я, и йикъара чун абур к1ват1 хъувунал машгъул я. Гьар са гектардай 100 центнердив агакьна ципиц!ар хьун гуьзлемишзава.
Чаз малум хьайивал, ципиц!ар Къизлярдин коньякрин заводдиз вахкузва, Къаякентда заводдин цех ава.
Ципифар к!ват1 хъувунин карда рабочияртир Н.Зангиев, Э.Агьамирзоева, Н.Тагьирова, Р.Мегьамедова, А.Абдулагъае- ва, С.Алиева, ат!ай ципиц1ар дашмиш хъувунин карда шофер А.Керимов тафаватлу жезва.