Версия для слабовидящих

11.07.2016 ЦIийи рубрика: «Чи адетар»
Дагъвийриз хас я

11.07.2016 Сагидан медалар ва грамотаяр
И йикъара Махачкъалада 2001-2002-йисара дидедиз хьайи жаванрин арада КЭМПО PRO-дай Дагъустан Республикадин кIвенкIвечивал патал акъажунар кьиле фена. Ана 50 килограммдин заланвиляй Кьасумхуьрелай тир Сагид Къазиханова приздин 3-чка кьуна. Адаз медаль, ДР-дин КЭМПО-дин федерациядин Президент Г. М. Тагьирован къул алай 3-дережадин диплом, пишкеш яз «Твой Олимпийский учебник» тIвар алай ктаб гана.

11.07.2016 Удостоверение вахкана
Ери-бине Кьасумхуьрелай тир Аслан Къурбанов самбодай Россиядин, дзюдодай уьлкведин Яракьлу Къуватрин ва универсальный женгерай Европадин чемпион, гзаф кьадар Вирироссиядин ва международный турниррин гъалибчи я.

11.07.2016 Субботник кьиле тухвана
Муниципальный райондин Кьил  Нариман Шамсудинович Абдулмуталибован тапшуругъдалди  эхиримжи вахтара райцентрада  ва хуьрерани михьивилер авунин кIвалахриз артух фикир гузва.  И кар анжах субботникар тешкилайла, и кардал халкь желб авурла хъсан жезвайди ашкара я.

11.07.2016 Зардияндин дередиз – инвестицияр
Республикадин хуьруьн майишатда уьзуьмчивили ва чехирар гьазуруни вилик вахтарилай кьилин чка кьазва. Сулейман-Стальский райондин АПК-дани и хилез кьилин фикир гузва. «Нетижалу агропромышленный комплекс» кар алай проект уьмуьрдиз кечирмишун яз районда йисандавай-суз уьзуьмлухар кутазва.

11.07.2016 Алафар гьазурзава, гад агудзава
ТIебиатдин къанун тирвал, са куьнизни килиг тавуна, вахтуни гьамиша виликди еримишда. Гьар са вахтунихъни вичин кьетIенвилер, вичиз хас лишанар ава. Ингье, гадни тамамвилелди вичин ихтиярда гьатнава. Гатун са йикъа хъуьтIуьн варз тухарда, лугьузва бубайрин мисалда.

11.07.2016 Пешедал рикI алай Серьеза
Лап къени къилихрин инсан, ширин мез авай мегьрибан дишегьли тир Серьеза Насруллаева (шикилда) кIвалахал къвез хъфидайла ва кIвалахдик квайла заз мукьвал-мукьвал аквазва: ада кIвалахзавай почтунин алакъадин отделенидин ва за кIвалахзавай «Куьредин хабарар» газетдин редакциядин дараматар Кьасумхуьрел сад-садан патав гва.

11.07.2016 РикIерин садвал, уьмуьрдин бахтлувал
ХЗАН. КIАНИВАЛ. ВАФАЛУВАЛ. И пуд гафуни сада-садаз къуват, чим, сихвал гузва. Абур сад галачиз масад фикирдизни гъиз жедач. Эгер сад хкудайтIа, тамамвилик синих акатда. КIанивилин гьиссер авачиз хзан кутаз жедач. Хзандин квайни квай кьве дестек яз гьисабзавай гъуьлуьнни папан арада вафалувал амукь тавурла, чара хьунин месэлани кватзава. ГьакI хьайила, хзандин бинеяр, имаратар хуьзвайди кIанивални вафалувал я.

11.07.2016 Бахтлу кьисметдин сагьибар хьурай!
«Сулейман-Стальский район» муниципальный райондин администрациядин заседанийрин залда школьный формаяр алаз, чина хъвер аваз ацукьнавай школа акьалтIарзавай аялар, абурун диде-бубаяр, школайрин директорар ва выпускной классрин муаллимар-руководителар акурла гуьгьуьл шад жезва, рикIелай вахтунин зидвилер, гьатта бедендин тIалар-кваларни алатзава. Себебни шадвилинди я: школаяр лап хъсан къиметар аваз акьалтIарзавай, Государственный Сад тир экзаменар агалкьунралди вахкай аялрив абур лайихлу хьайи къизилдин медалар вахкузва.

11.07.2016 Агъсакъалрин Советда
Алай йисан 4-июлдиз райондин муниципальный Кьилин патав гвай Агъсакъалрин Советдин нубатдин заседание кьиле фена. Адан кIвалахда муниципальный райондин Кьил Нариман Шамсудинович Абдулмуталибова, администрациядин Кьил Штибег Гьажимегьамедович Мегьамедханова, адан заместителри, администрациядин къуллугърин, гьакIни районда кардик квай органрин руководителри, хуьрерин поселенийрин кьилери, теклифнавай юлдашри иштиракна.

11.07.2016 Важиблу месэлайрив жавабдарвилелди эгечIин
Алатай гьафтеда райондин администрациядин заседанийрин залда образованидин организацийрин руководителрин совещание кьиле фена. Адан кIвалахда «Сулейман-Стальский район» муниципальный райондин Кьил Нариман Шамсудинович Абдулмуталибова, райадминистрациядин кьилин заместитель Саид Мусинович Темирханова, райондин образованидин управленидин кьилин пешекарри, школайрин директорри, аялрин бахчайрин заведующийри, гьялзавай месэлайрихъ галаз алакъалу яз теклифнавай юлдашри, райондин массовый информациядин такьатрин векилри иштиракна.

Гьуьрметлу районэгьлияр! 11.07.2016 Гьуьрметлу районэгьлияр!
Квез виридаз алукьзавай сив хуьнин сувар мубаракрай, куьне хвейи вири сивер Аллагьди кьабулрай, квез ва амай вири хзанриз чандин сагъвал гана, дуьнья ислягь хьана, веледрикай рикI секин хьана яшамиш жедай йикъар акурай.
  Куь гьуьрмет кIани ДР-дин Халкьдин Собранидин депутат Гьамидулагь Мегьамедов.