Сулейман-Стальский район
Версия для слабовидящих

«ШАРВИЛИ» ЭПОСДИН ГЬАКЪИНДАЙ АРИФДАРРИН ФИКИРАР

- «Шарвили» эпос - им надир жуьредин эсер я. Халкьдин художественный къанажагъда Шарвили дири-циц!и тирдакай, ам гьамиша гьа ихьтинди яз амукьни ийидайдакай за сувариз гьазурвал аквадай лап гьа сифтедин девирда са шумудра лагьайди, кхьинни авурди я. Гьа и кардай руьгьди игитвилин эпосдилай гьакъикъи игитвилихъ, ихьтин арачивал аваз, еримишун аквазва. Гьа и рекье гьиссер ахлакьдин жигьетдай михьи ва эдеблу жезва. 1999-йисан августдинни  сентябрдин бедбахтвилин йикъара халкьдин ян тагур руьгьдин гъалибвал акьван жанлудаказ ачух хьун дуьшуьшдин кар туш эхир. Гьа ик1, игитвилин эпосни гьакъикъи игитвал зигьиндин къуватдалди алакъалу ийиз жезва Гьакъикъи игитвиликай рахайт1а, адаз уьмуьрда гьамиша чка жагъизвайди я. Ингье гьа иниз килигна халкьдин руьгьдинни медениятдин ирсиникай алай аямда, тербиядин к1валахда менфят кьачун чарасуз я.
А. АГЬАЕВ

  * * *
- Къейд авун лазим я хьи, са жерге маса халкьарин эпосрилай тафаватлу яз Лезги халкьдин эпосдин кьилин игит жергедин дагъвидин -чубандин хва я. Халкьди гьахъ-адалатдикай вичин эрзиман мурадар Шарвилидин къаматда аваз умумиламишнавай тегьерда къалурнава. Вичин рик1ин мурад кьилиз акъудун патал халкьди Шарвили лап зурба къуват авай кас яз къалурзава. Ам кич1евал вуч зат1 ят1а чин тийир дирибаш аскер, женгина гьикьван четинвилерал расалмиш хьайит1ани, душмандин вилик руьгьдин ажузвал тавуна, к1еверай экъеч1из алакьзавай кас я.
БАЙРАМ САЛИМОВ

* * *
- Шарвилидин гьакьиндай гзаф негъилар ава Абур са гьик! ят1ани чеб-чпихъ галаз алакъада авачирбур я. Аквар гьаларай, эпосдихъ лап къадим вахтариз фенвай дувулар ава. Адан ирссагьибрин рик1елайни фадлай апатиз башламишнава... За Ахцегь хуьруьн агьалийривай пара т1алабзава: Шарвилидикай вуч жагъуриз жезват1ани к!ват1 хъия ва кхьин хъия... Белки са вахтунда Шарвили пагьливандин аламатдин сир ачухардай, адан образдин художественный чешмейрин гьавурда акьадай мумкинвални чаз жеда...
РАСУЛ МЕГЬАМЕДОВ

 * * *
- Лап эхиримжи вахтаралди литературада к1евелай тайин хьанвай фикир авай: лезгийрихъ халкьдин эпос «Шарвили» авач. Килигайт1а, ам авазва! Вични художественный рекьяй лап девлетлуди, затдал гьалтайла-лап инсанпересди!
НАТАЛЬЯ КАПИЕВА 
 
* * *
Шарвили - халкьди вичи-вичиз ва къвезмай несилриз хкажнавай, садрани пуч тежедай гуьмбет я. Шарвили - им жегьилрин вик1егьвал, рушарин такабурвал, бубайрин кар давамарун ва дидейрин даях я.
РИЗВАН РИЗВАНОВ




08.07.2016

Возврат к списку