Корреспондент Алибек Омаров провел интервью с генерал-лейтенантом в отставке Рахманом Гаджиевичем Шайдаевым
Версия для слабовидящих

Новости

Корреспондент Алибек Омаров провел интервью с генерал-лейтенантом в отставке Рахманом Гаджиевичем Шайдаевым

Широко известна всем семья Шайдаевых, представители которой являются большими патриотами своей маленькой родины, вносят значительный личный вклад в общественно значимую для родного села, района деятельность, направленную на благо населения. Из этой семьи вышли три генерала, талантливые руководители, ученые. Достойным продолжателем славных традиций Шайдаевых является генерал -лейтенант в отставке, государственный советник налоговой службы РФ 2 ранга- Шайдаев Рахман Гаджиевич.
Заслуженный авторитет, активная жизненная позиция, высокие моральные качества Рахмана Гаджиевича служат положительным примером в воспитании молодого поколения, содействуют укреплению дружбы, в том числе между нашими земляками, проживающими в г. Москве.
Корреспондент газеты «Кюринские известия» провел интервью с Рахманом Гаджиевичем Шайдаевым.

« Миллионер ва я генерал хьун патал, вич лугъумир, кIанзавайди са тIимилар я кьван
-Интернетда вири ава, -лагьана ада,
Шайдаеврин чин ахъайна кIандай затI кIелиз жеда.
-Интернетда гзаф зaтIap ава, -рази хьана зун, - анжах герек зaтI анай бязи вихтара жагъидач.
Герек затIарикай рахун патал чун багъдиз, тарцин сериндик фена.

Сулейман-Стальский райондин Цмуррин хуьр. Захъ галаз рахазвайди - Рагьман Гьажиевич Шайдаев, налогрин къуллугъдин отставкада авай генерал- лейтенант, алай вахтунда карчи.
Хайи хуьре зун яшамиш хьайиди туш,
-суалдиз жаваб гузва Рагьман Гьажиевича, - иниз анжах мугьмандиз хуьквезва. Вуна кьисмет ваъ, ада вун хкягъзавайди я: зун меркезда яшамиш хьана, за гьана ватандиз къуллугъна. Амма и карди заз ина жув хайи чилел алайди, бубайрин ерийра авайди гьисс ийиз эсиллагь манийвап гузвач. Зун кIвале ава.
-Сифте кьилелай эгечIин: куьн дуьньядиз атана...
-Саки пудкъад йис идалай вилик Кас¬пийск шегьерда. Муьжуьд лагьай классдал кьван гьана кIелна. Республикадин къенепатан крарин министрдин везифаяр вах¬ту нал ди тамамарзавай буба, Гьажи Гьа¬жиевич (Гьажи-Къурбан Гьажибалаевич), Москвадиз к1валахал хутахайла, хзанни гьаниз хъфена.
-Ахна куь уьмуьрдин рехъ гьихьтинди хьана?
-Школа акьалтIарна, кIелун давамарна: Къецепатан уьлквейрин чIаларин военный института, МВД-дин академиядин аспирантурадани кIел хъувуна. За военный прокуратурадин, МВД-дин къурулушра к1валахна. ЦIикьвед йисуз РФ-дин налогрин ва сборрин министерстводин хсуси хатасузвал хуьдай управленидин кьиле акъвазна. Генерал-майордин чин гайила, зи яхц1ур йис тир. Мад кьве йисалай закай генерал-лейтенант хьана. Анжах а вахтар фадлай алатнава, вад йис я зун отставкадиз экъеч1на.
-Заз акI тир, генерал хьун патал са кьадар артух яшар хьана, артух зегьметар чIугуна, жуван алакьунар къалурна к1анзавайди хьиз.
-Зегьметар, шаксуз, чIугуна к1анзавайди я. Алакьунрикай рахайтIа, абуруз дуьз къимет гудайди инсанар я. Агалкьунрин сир? Заз чидач. Заз чидай: чирвилер къачуз, жуван везифайрив рик1ивай эгеч1из, жуван к1валах гьакъисагъвилелди тамамариз - имни чи хзанда бубайри кутуна хуьзвай адет я.
-Шикил тамамди хьун патал: куь хизан?
-Зи хзанда кьве аял, рушни гада, чIехи хьана. Руш, зи дидедин тIвар алай Марина, дипломат я. Къанни кьуд йиса авай ам пуд йис я Италияда, Римда, атташе - чи посольстводин къуллугъчи яз. Г ада ФСБ- дин офицер я, ада Москвада, уьлкведин гьукуматдиз мукьва къурулушрикай сана къуллугъзава.
-Отставкадиз экьечIнатIани, малум тирвал, куь к1валахар тIимил хьанач. Гила куьн карчи я: гьииа, гьн рекьяй?
-Са чIехи холдинг ава, адан тIвар за кьан тийин, Россияда ам гьакIани хъсандиз чизва. Зун адан вице-президент я.
-Куь тешкилатди гьихьтин кIвалахар тамамарзава?

- Чун гьарда вичин тIвар кьилди кьаз вердиш туш. Бубайрин ватанда ийизвай крар чна санлай къачурла Шайдаеврин хзандин тIварцIелай ийизвайди я. Мараталай, зи гъвечIи стхадилай, чIехи крар алакьзава: «Объединенная зерновая кампания» госкорпорациядин кьиле акъвазна, Новороссийскдин портунизни регьбервал гана, ам зурба къурулуш я, гьавайда адаз уьлкведин «кьибленатан варар» лугьузвач.
- Куьн, кьве стха, хуьре яшамиш хьайибур туш. Амма куьне Цмуррин хуьр социальный ва маса месэлаяр гьялунал ди республикада чешнелубурун дережадиз акъудна. ГьикI, квелай башламиш хьайиди тир?
- Башламиш бубадилай хьайиди я. Чалай тафаватлу яз, ам хайи хуьре яшамиш хьана. Вичин вахтунда, Дагъустандин пединститут акьалтIарайдалай кьулухъ, ада хуьре муаллим, школадин директор яз кIвалахни авуна. Ада къалурзавай рехъ, адан теклифарни меслятар чун патал важиблу я. Хуьр чк1ай гьалда авай. Гьи патахъ вил вегьейт1ани - тамамарна к1анзавай к1валахар тир: рехъ авачир, яд гьана кIанзавай, хуьруьн сурар авай гьал кьабул жедайди тушир. Куьрелди, къенин йикъан са жуьре инфраструктура, агьалийриз къулайвилер арадал гьана кIанзавай. Ахпа чна, зи иштираквал аваз тамамарай кIвалахрикай рахайт1а, спортдинни кIелунин центр эцигна, гуьгъуьналлаз - Гъалибвилин музейни. Эхирни девирдин виниз тир истемишунриз жаваб гузвай школа эцигна ишлемишиз вахкана. Анжах и к1валахдик зун хьанач, школа Маратан алахъунралди эцигайди я.
- Рагьман Гьажиевич, инал рикIе чIехи мурадар-къастар авай са жегьил атана жузуна: генерал ва я миллионер хьун патал вуч авуна к1анда, куьне адаз гьикI жаваб гудай?
- Заз чиз, и суалдиз за жаваб гана. Сифте нубатда- кIелна, чирвилер ва мад сеферда чирвилер къачуна к1анда. Уьмуьрда жуван рехъ тайинарна к1анда. Ахпа амукьдайди к1валахда галат тавун, жуван везифайрив рик1ивай эгеч1ун я.
-Гьа и т1имилар?
- Ма мад вуч кIан хьурай? Бахтуни ишлемишдай араяр жедайди я гьар са касдин уьмуьрда. Акьуллу хьана, гьа араяр гъиляй ахъайна кIандач. Эхь, гьа и тIимилар. Абур хьайила, агалкьунар чеб инсандин гуьгъуьна гьатна къведа, адалай алат хьийидач.
- Суьгьбет зун патал итижлуди хьана. Тамам жавабар гу


Количество показов: 1447
28.07.2017

Возврат к списку


Поделиться в: