Новости

Образцово проработавшие в УГРО

угро.JPG

Алидаров Алидар Камалдинович 1949-йисан 27-июндиз Сулейман-Стальский райондин Ялцугърин хуьре дидедиз хьана. Юкьван школа куьтягьайдалай гуьгьуьниз Германияда Карл-Маркс-Штадт шегьерда Советрин Армиядин жергейра къуллугъна. Гележегда къенепатан крарин органра къуллугъун патал гьана лигимвал къачуна. Гуьгъуьнлай 2 йисан партийный школани акьалтIарай жегьил аскер 1970-йисуз Махачкъаладин Ленинский РОВД-диз кьабулзава. Ина ам сержантдилай милициядин подполковникдин, отделенидин командирвилелай чIехи шегьердин отделдин уголовный розыскдин дережадиз кьван хкаж хьана. Гьа ина ада 20 йисалай виниз гьакъисагьвилелди къуллугъна. Гьа са вахтунда ада СССР-дин МВД-дин Академия, марксизмдин-ленинизмдин университетни акьалтIарна.
Къайдаяр чIурдайбуруз инсаф тийидай, гзаф дирибаш къилихдин адаз юлдашрин арада еке гьуьрмет авай. КIвалахдин еке тежриба авай Алидара милициядин къуллугъдин сирер цIийиз кьабулай къуллугъчийриз чирдай.
Адан гьакъисагь зегьметдиз лайихлу къиметни тагана тунач. Ам гзаф кьадар чухсагъулдин чарарин, гьуьрметдин грамотайрин, медалринни пулдин премийрин, "Милициядин отличник" знакдин ва маса шабагьрин иеси я. К1валахдин йисара оперативный рекьяй гьамиша сифте чкаяр кьазвай ам сад лагьай классдин пешекарвилин тIварцIизни лайихлу хьана.
Ял ягъиз экъечIнаватIани, милициядин подполковник мукьвал-мукьвал жегьилрин, жуьреба-жуьре коллективрин арада ватанпересвилин тербия гунин рекьяй кIвалах тухуз аквада.

Снимок.JPGЗакариев Мирзе Мегьамедович Сулейман-Стальский райондин Векьелрин
хуьре дидедиз хьана. Юкьван школа акьалтIарна, Советрин Армиядин жер-
гейра къуллугъна. 1971 -йисуз военный частунин командованиди меслят къалуруналди Россиядин къенепатан крарин министерстводин органриз кьабулна. СССР-дин МВД-дин Кьилин Управленидин къурулушда инспекторвилелай башламишна, УР-дин (уголовный розыск) старший инспекторвиле, ОУР-дин ва ОВД-дин начальниквиле къуллугъна. Гьа са
вахтунда чи ватанэгьли полициядин полковниквилин дережадив агакьна.
Къайдаяр хуьдай органрин лайихлу работник 1985-йисуз Дагъустан Рес-публикадин МВД-диз рекье тунай. Адакай Избербаш шегьерда ОВД-дин на- чальникдин заместитель, Сулейман- Стальский РОВД-дин, 2004-йисалай районрин уртах УСНК-дин (управление службы наркоконтроля) отделдин, эхирдайни ГО и ЧС-дин Сулейман- Стальский райондин отделдин начальник хьана.

"Лезги газет" № 40 от 5 октября 2017г.


Количество показов: 1048
05.10.2017

Возврат к списку


Cannot find 'template_yashare' template with page ''