Стихи поэтов о Сулеймане Стальском
Версия для слабовидящих

Новости

Стихи поэтов о Сулеймане Стальском

150-гатфар

Атанва зун Сулейманан Ватандиз,
Лезги халкьдин шииратдин макандиз.
Ам лезги я, шииратда Ч1ехи я,
Лайихлу я ам еке тир виждандиз.

Чи гуьруьшдиз кьисмет хьанач, вучда бес?
Ви шиирар к1елзава за алаз сес.
Ви чуру хьиз, зи чуруни рехи я,
Ви шиирри кутазва зак бул гьевес.

Бажарагьдиз вун вик1егь я, дири я,
Вун, Сулейман, чи лезгийрин вири я.
Чи Дагъустан, чи Кьибпепад, мад Куьре,
Вун себеб яз, и дуьньядиз сейли я.

Сулейман, вун рик1е ава гьар садан,
Вун патал заз гьайиф туш гъич жуван чан.
Лезгийрин ад машгьур авур дуьньядиз,
Лезги халкьдин руьгьдин даях, Сулейман.

Шииратда лезги к1вал вуч къени я!
Сулейман, вун анин руьгьдин гуьзгуь я!
Ви кар давам ийизва чи несилри,
Гьабурук сад зун я, Циц1игъ Тегъи я...

Теги Магомедов

Вирт1един дад

Эй Сулейман - Ст1ал маил,
К1ел тавуна, шайр хьайи.
Кулакариз экъуьгъ ийиз,
Кесибариз куьмек гайи.

Заз патавай акур кас туш,
Ктабрай чи чир хьайид я.
Адан шиир к1ел авурла,
Заз буба хьиз к1ан хьайид я.

Сулейманан хтул я зун,
Са булахдай яд хъвайид я.
А булахдай хъвайи а ци
Заз вирт1един дад гайид я.

Заз Сулейман акуначт1ан,
Чирвилеркай пай гана хьи,
Къурбанд хьайи Аллагьдини
Дуьньядал сагъ чан гана хьи.

А Сулейман вучиз кьенай?
Чилик кутаз гьайиф тир ам.
Гьар патахъай кхьиз шиир,
Лап камаллу ариф тир ам…

Селимат Балабегова



Количество показов: 469
29.05.2019

Возврат к списку


Поделиться в: