Стихотворение Сажидина Саидгасанова, посвященное 90-летию со дня образования Сулейман-Стальского района
Версия для слабовидящих

Новости

Стихотворение Сажидина Саидгасанова, посвященное 90-летию со дня образования Сулейман-Стальского района

Ам чи район я!

Экуьн кьиляй рагь хкеч1из
гьуьлуькай,
Чапла пата дагълар авай
кьакьан тир
Гьар са рекьяй агалкьунрал
вилик квай,
Алимринни шаиррин са макан тир
Ам чи Ст1ал Сулейманан район я!
Шегьре рекьин кьве пад багълар,
 ник1ер тир,
Чапла пата Арагъ - Чирагъ вац1арин
Чуьллер патал ятар чайни
шекер тир,
Гатфар ч1авуз хкаж жедай
къацарин,
Ам чи Ст1ал Сулейманан район я!
Ц1ерид вилин муьгъ вац1аллай
пурарин,
Гужлу селлер къвайит1ани саламат.
Рагь акьазвай гьар экуьнин ярарин,
Кьиблепатан Дагъустандин
аламат,
Ам чи Ст1ал Сулейманан район я!
Эгер женнет к1анзават1а акуна,
Михьи гьава, гьамга хьтин булахар,
Дустар галаз ша, кьилелди ч1угуна,
Сирер чирдай ава ц1ийи к1валахар,
Ругуд къунши район – сергьят, чилерин
Халис мукьва-кьилияр тир,
дустар тир
Мугьманриз физ -хквез регьят
эллерин,
Мел-мехъерар кьиле тухуз
уст1ар тир,
Ам чи Ст1ал Сулейманан район я!
Гьам арандин, гьамни гуьне
хуьрерин,
К1анзават1а, акуна квез къелеяр;
Чка-чка булахар тир дерейрин,
Шегьерра хьиз авай гегьенш
магьлеяр,
Ам чи Ст1ал Сулейманан район я!
Рычал-судин, Мевер, Кпул -
булахар,
Са пад тамар, муькуь падни
багълар тир,
Рагъ ак1идай пата къацу яйлахар,
Гуьзел макан, гьам аран,
гьам дагълар тир,
Ам чи Ст1ал Сулейманан район я!
Испик хуьруьн машгьур хъенч1ин
къапарин,
Хуьпуькь хуьруьн живе авай
мезреяр,
Гам-халича храз чидай папарин,
Чраз чидай т1анурдин фар,
шуьреяр,
Ам чи Ст1ал Сулейманан район я!
Багълар авай гьар са жуьре
емишдин,
Вич кьвед лагьай Багъдат лугьур
дере тир,
Шагьни Шалбуз акваз кьилер
гимишдин,
Макан, гьар са ч1аван гуьзел
бере тир,
Ам чи Ст1ал Сулейманан район я!
Санал чуьнгуьр, санал къугъваз ч1агьанар,
Пагьливанни алаз жеда симинал.
Гьар майдандал, бугъ алахьиз,
къажгъанар,
Дуьгуьд ашар тваз алахъдай
демина,
Ам чи Ст1ал Сулейманан район я!
Къуни-къунши, ярар-дустар
бул авай,
Гьар суз Ст1ал Сулейманан
сувар тир;
Берекатрин гатфарни гад, зул авай,
Ст1ал вац1ун кьве пад лекьрен
лувар тир,
Ам чи Ст1ал Сулейманан район я!
Етим Эмин, Мирзе Гьасан,
Сулейман,
Гьар садахъ са музейдин
к1вал-дарамат;
Халикьан хва Радим хьтин
къагьриман,
Вик1егь ксар авай, жедай аламат,
Ам чи Ст1ал Сулейманан район я!
Кьурагь патаз, гьам Хив, гьамни
Агъулиз,
Къирер цанвай гьяркьуь шегьре
рекьерин,
К1ант1а алад Табасаран, Яхулиз,
Мярекатар авай мелер, мехъеррин,
Ам чи Ст1ал Сулейманан район я!
Са тике фу т1уьн паталди
гьалалдин,
Регьятвилер мадни жагъун
паталди,
Сардар-Дарк1уш яд тухузвай
къаналдин,
Гьам хъвадай, гьам чилер дигин
паталди,
Ам чи Ст1ал Сулейманан район я!
Махачкъала, Дербент, Белиж
шегьре рехъ,
Юкъуз, йифиз, йисан гьар са
вахтунин,
Къулайвилер гьар жуьредин,
лугьун гьахъ,
Сад Аллагьдин патай ганвай
бахтунин,
Ам чи Ст1ал Сулейманан район я!
Кьиле тухуз суварар пуд жуьредин,
Сулейманан вишни яхц1урни
ц1уд йис;
Кьудкъанни ц1уд, т1вар дегишна Куьредин,
Яхц1урни ц1уд эцигна т1вар,
ийиз гьисс,
Ам чи Ст1ал Сулейманан район я!
Майдин вацра, цуьк ахъаяй
гатфарин,
Кьасумхуьруьн майдандал чи
ч1ехи тир,
Шадвал тебрик ийиз къизил
гьарфарин
Плакатри нур гузвайди рехи тир,
Ам чи Ст1ал Сулейманан район я!
Къуй чир хьурай чун ят1а нин
рухваяр!
Устадар тир гьар са хъсан
к1валахрин.
Вик1егьбур тир кьиляй-кьилиз
архаяр,
Чуьллер - къизил, абуземзем
булахрин,
Ам чи Ст1ал Сулейманан район я!
Гьар са к1валах дуьз тухуз, рехъ
къалурдай,
Т1вар Нариман, чахъ райондин
кьил ава.
Вири крар сувар къайда гьазурдай,
Гьар журедин берекатрин
гьуьл авай,
Ам чи Ст1ал Сулейманан район я!


Количество показов: 410
09.04.2019

Возврат к списку