"Свои слова". Сулейман Стальский
Версия для слабовидящих

Новости

"Свои слова". Сулейман Стальский

Жуван гафар

Жуван гафар тефир ише
Межлисда рахун хъсан туш.
Гак1 нубатсуз гъилер эч1е
Ягъиз гьараюн хъсан туш.

Фагьумнамаз вичин саягъ,
Виш салайни жедач уях.
Жемир а гафунин ч1алахъ,
Ат1ласдилай хун хъсан туш.

Даиман ч1угваз агьузар,
Гьадакай вич хьана бизар!
Михеннатдиз гуй а азар
Мерд итим яхун хъсан туш.

Гъуд эцяй тавурт1а кьама,
Гъавурда тваз жедач ама.
Ч1уру регъвел жуван ярма
Хкажиз регъуьн хсан туш.

Гагь-гагь келледа гьатиз гар,
Гагь еришдиз тежез пайгар,
Гатфариз кьац1уриз зангар,
Хъуьт1уьн къуз чуьхуьн хъсан туш.

Нефсинин гарданда зунжур
Тун тавурт1а, кар жеда ч1ур.
Эвел т1уьна кьел квай к1уь шур
Гуьгъуьнлай яд хъун хъсан туш.

Гьич са каски фитнедал шад
Тахьуй - пис заг1 я хирен дад.
Бейхабар яз ч1угуна яд,
Дак1вадай бархун хъсан туш.

Вун кьац1алай куьз алатда?
Эхир вуна хажалатда:
Чир хьухь, факъир, вун аватда, -
Масадаз фур эгъуьн хъсан туш.

Ша, а фикир вегь на гьиляй, -
Эхир аватда вун виляй,
Дуст я лугьуз ч1улав гъуьлягъ.
Кьулак кутаз хуьн хъсан туш.

Ст1ал Сулейманан саягъ:
Гьар патахъай тирд яз уях.
Лугьуналди жемир ч1алахъ,
Ат1ласдилай хун хъсан туш.


Количество показов: 385
28.05.2019

Возврат к списку


Поделиться в: