В с. Цмур пройдет большой форум
Версия для слабовидящих

Новости

В с. Цмур пройдет большой форум

Сулейман-Стальский районда “Куьре-2019. Регьберрин несил” лишандик кваз жегьилрин чирвилерин Международный форум кьиле фида. Ам 25-июндилай 28-июндалди давам жеда.

Мярекат Сулейман-Стальский райондин администрацияди ва “Гъалибвилин волонтерар” ВОД-дин ДРО-дин, РД-дин милли политикадин ва диндин крарин рекьяй министерстводин куьмекни галаз РД-дин жегьилрин крарин рекьяй министерстводи санал тешкилзавайди я.

Цмуррин умуми образованидин юкьван школадин бинедал кьиле фидай форумда Афгъанистандай, Азербайжандай, Туркменистандай, Египетдай, Кот-Д-Ивуардай ва Россиядин Федерациядин субъектрай тир жегьилри ишти­ракда­.

И мярекатдин макьсад жегьилриз вилик фин, пешекарвилин рекьяй хкаж хьун патал шартIар ва районда жегьилрин махсус къурулуш арадал гъунин мумкинвилер яратмишуникай ибарат я.

Форумдин иштиракчияр чирвилер гудай ва дискуссийрин майданри, пешекаррин ва мугьманрин мастер-классри, махсусдаказ тешкилнавай майданри, спортдин къугъунри ва культурадин мярекатри гуьзлемишзава.

Мярекатда иштиракун патал 22-июндалди “Россиядин жегьилар” АИС-да регистрация авун герек я.

Источник: "Лезги газет"


Количество показов: 576
21.06.2019

Возврат к списку


Поделиться в: