В знак уважения классику
Версия для слабовидящих

Новости

В знак уважения классику

Kurush-Copy.jpg

18-майдиз Хасавюрт райондин Къурушрин хуьрени классик, ХХ асирдин­ Гомер дидедиз хьайидалай инихъ 150 йис тамам хьуниз талукьарнавай мярекат кьиле тухвана. Ана 1-нумрадин юкьван школадин директор Гьажиметов Ислама, тербиядин рекьяй завуч Велиметов Мегьамеда, профсоюздин комитетдин председатель Лазимов Акифа, муаллим-ша­ир Хидиров Шагъназара, лезги чIа­ланни литературадин муаллимар тир Гьасанов Сейфуллагьа, Мамедов Элес­кера, Дадашева Эрзиди ва ма­са муаллимри, чIе­хи классра кIелза­вай аялри иштиракна. Хуьруьн библиотекадин заведующий Дадашева Сулмаза СтIал Сулейманан уьмуьрдин­ ва яратмишунрин рекьериз талукьарнавай махсус выставка гьазурнавай.
Мярекат СтIал Сулеймана СССР-дин писателрин сад лагьай Съезддал кIелай шииррилай башламишна.
Дагъустандин лайихлу, лезги чIалан­ни литературадин муаллим тир и цIара­рин авторди СтIал Сулейманан 150 йисаз, адан уьмуьрдин ва яратми­шунрин рекьериз талукьарнавай гегьенш доклад авуна, шаирдикай вичин фикирар лагьана. Хейлин ксари шаирдиз бахшнавай чпин шиирар, чIехи классра кIелзавай аялри СтIал Сулейманан эсерар таъсирдайвал кIелна.
“Къуруш ТВ”-дин оператор Аливердиев Бешира и мярекат лентиниз къачуна. Эхирдай мярекатда иштиракай аялризни муаллимриз школадин директордин къул алай грамотаяр гана.

Гьажи Къазиев
"Лезги газет"№21 от 23 мая 2019 г.



Количество показов: 223
27.05.2019

Возврат к списку


Поделиться в: