Выходцы из Сулейман-Стальского района - лауреаты почетных званий и наград 2018 года
Версия для слабовидящих

Новости

Выходцы из Сулейман-Стальского района - лауреаты почетных званий и наград 2018 года

Вахт санал акъвазнавач, ада гьамиша виликди еримишда. И кар себеб яз, 2018-йисни акъатна, ам тарихдиз фена. Лагьана кIанда хьи, акъатай йис, санлай Дагъустан Республика хьиз, Сулейман-Стальский район патални кьетIенди, вакъиайрив ацIайди, агалкьунринди хьана. Вири мярекатрикай, кьилиз акъудиз алакьай хъсан кIвалахрикай, районэгьлийри къазанмишай агалкьунрикай рахаз хьайитIа, макъала лап екеди жеда. Инал рикIел хкиз кIанзава хьи, акъатай йисуз Эминхуьре пуд мертебадин цIийи школадин дарамат ишлемишиз вахкана, «Сардархуьр-ДаркIуш-Къазмаяр» водопровод эцигунин кIвалахар давамарна, районда майишатрин ятар гудай «Кировский» уртах къаналдин кьвед лагьай пай шадвилин гьалара ачухна, Етим Эминан 180 йисан юбилейдин сергьятра аваз гзаф мярекатар, гьабурукай яз «Куьредин ярар» тIвар алаз халкьдин манийрин республикадин 3-фестиваль кьиле тухвана…
Шадвалдай кар ам я хьи, цIийи 2019-йисан вилик (декабрдин вацран эхирра) муниципальный райондин Кьил Нариман Шамсудинович Абдулмуталибовав райондин агьалияр тир алимри, шаирри, муаллимри, студентри, школьникри ва маса пешейрин иесийри къазанмишнавай агалкьунрикайни шад хабарар агакьна. Агъадихъ чун абурукай са шумудакай лап куьрелди рахада.
Майрудин.JPGХалкьдин шаир
Дагъустан Республикадин Кьил Владимир Васильева 2018-йисан 25-декабрдиз акъудай Указдалди бажарагълу шаир, Сулейман-Стальский райондин культурадин управленидин начальник Майрудин Бабаханович Бабахановаз «Дагъустандин халкьдин шаир» лагьай гьуьрметдин тIвар ганва.
Пипер хуьре дидедиз хьайи М. Бабаханова Тагьирхуьруьн-Къазмайрин юкьван школа, Дагъустандин государственный университетдин филологиядин факультет акьалтIарна. Шиирар ада школада амаз кхьизвай. 2018-йисан 20-октябрдиз вичин 60 йисан юбилей къейд авур Майрудин Бабаханов «Муьгьуьббатдин куьче», «Гъетери табдач», «Ракъинин сухта», «Лекьрен мани» ктабрин, шиирралди кхьенвай тарихдин «Келентар» романдин автор я.
Вичихъ тешпигь авачир хьтин бажарагъдин сагьиб тир Майрудин Бабаханов Дагъустандин комсомолдин, «Шарвили» фондунин, Гьажибег Гьажибегован тIварунихъ галай премийрин лауреатни я.


Шайдабег.JPGГрантдиз лайихлу хьана
Дагъустан Республикадин государственный педагогвилин университетдин профессор, вичин ери-бине Сулейман-Стальский райондай тир Шайдабег Айдабегович Мирзоева республикадин Кьил Владимир Васильеван грантар патал малумарнавай конкурсда гъалибвал къачуна. Санлай къачурла, грантдиз 43 проект лайихлу хьана. Абурун арада Шайдабег Мирзоеван «Расул Гьамзатован эсеррихъ этнокультурадин жигьетдай авай мумкинвилер кIелзавайбуруз руьгьдинни ахлакьдин тербия гунин акьалтI тийир чешме я» проектни ава.

Жегьил алимди  1-чка кьуна
Заур.JPGДагъустан Республикадин образованидин ва илимдин министерстводи «2018-йисан виридалайни хъсан жегьил алим» лишандик кваз республикадин конкурс тухвана. Ана 43 касди иштиракна. Абурун арада илимрин докторар, кандидатар ва аспирантар авай. Ери-бине Сулейман-Стальский райондай тир, Россиядин Федерациядин илимрин виридалайни жегьил доктор яз гьисабзавай Заур Алисултанова «Естественные науки» номинациядай 1-чка кьуна.
Къейд ийиз кIанзава хьи, алай вахтунда физикадинни математикадин илимрин доктор Заур Алисултанова Дагъустандин государственный университетда ва РАН-дин ДНЦ-дин физикадин Институтда кIвалахзава.

Гьуьрметдин грамота гана
мамед.JPGДагъустан Республикадин Кьил Владимир Васильева 2018-йисан 25-декабрдиз 170-нумрадик кваз акъудай «Дагъустан Республикадин государстводин наградаяр гунин гьакъиндай» Указдин бинедаллаз кIвалахда хьанвай агалкьунрай ва яргъал йисарин бегьерлу зегьметдай «Касумкентская средняя общеобразовательная школа №2» муниципальный умуми образованидин казенный идарадин директор Велиев Мамед Велибековичаз Дагъустан Республикадин Гьуьрметдин грамота ганва.
Муниципальный райондин Кьил Нариман Абдулмуталибова М. В. Велиеваз грамота гун мубаракна, адахъ мягькем сагъламвал, кIвалахда агалкьунар хьана кIанзавайди лагьана.

«XXI асирдин регьбер»
Мегьамед.JPGДагъустан Республикадин жегьилрин крарин рекьяй министерстводи аялрин ва жегьилрин общественный тешкилатрин регьберрин арада «XXI асирдин регьбер» лишандик кваз конкурс малумарнай. Ана республика-дин этапда шегьеррайни районрай тир 13 регьберди иштиракна. Конкурсдин нети-жаяр кьунин экспертный Советдик ДР-дин жегьилрин крарин рекьяй министрдин заместитель Патимат Омарова, ДР-дин Халкьдин Собранидин депутат Тимур Гусаев, Россиядин студентрин ва студентрин тешкилатрин Ассоциациядин Дагъустандин региональный отделенидин председатель Вали Арсаналиев ва жегьилрин крарин рекьяй министерстводин кьилин пешекар-эксперт Илгар Лелаев квай.
Конкурсда 18 йисалай 30 йисал кьван яшара авайбурун арада Сулейман-Стальский райондин администрациядин Жегьилрин парламентдин куратор, райондин Собранидин депутат Мегьамед Алиева 1-чка кьуна.
Муниципальный райондин Кьил Нариман Абдулмуталибова шад гьалара Мегьамед Алиевав 1-дережадин диплом вахкана.
Гила Мегьамед Алиева «XXI асирдин регьбер» конкурсдин федеральный этапда иштиракда.

Райондин Комитетб 1-чкадал
Кубок.JPGДагъустан Республикадин спортдин министерстводи 2018-йисуз республикадин муници-палитетри физический культу-радин ва спортдин кIвалах вилик тухунин кIвалах хъсандиз тешкилунай смотр-конкурсдин нетижаяр кьуна. Нетижада Сулейман-Стальский райондин физический культурадин ва спортдин, туризмдин ва жегьилрин крарин рекьяй Комитет 1-чкадиз лайихлу хьана. Адаз 1-дережадин диплом ва Кубок гана. ДР-дин спортдин министерствода нетижаяр кьуниз талукь мярекатдал къейд авурвал, Сулейман-Стальский райондин агьалийри машгьур спортсменар тир Аслан Къурбанован, Икрам Алиске-рован, Радик Исаеван, Агьмад Къурбанован, Агъарза Агъаме-гьамедован ва масабурун агалкьунрал дамахзава.


Чухсагъулдин чар
Альберт.JPGРФ-дин спортдин министр П. А. Колобкован 134 нг нумрадин приказдалди Сулейман-Стальский райондин 1-нумрадин ДЮСШ-дин боксдай тренер-препо-даватель Альберт Межидоваз, Вирироссиядин ва междуна-родный турниррин гъалибчи-ярни призерар гьазурунай, Чухсагъулдин чар рахкурна.
Муниципальный райондин Кьил Нариман Абдулмуталибова шад гьалара Альберт Межидовав РФ-дин министерстводин Чухсагъулдин чар вахкана, адахъ кIвалахда мадни еке агалкьунар хьана кIанзавайди лагьана.



ДР-дин Кьилин стипендия
Стипендия.JPGДагъустан Республикадин Кьилин распоряженидин ва ДР-дин Кьили 2018-йисуз акъудай 264-нумрадин Указдин бинедаллаз высший образованидин орга-низацийра хъсандиз кIелзавай, Дагъустандин ва Ватандин илим, образование ва искусство вилик тухузвай студентриз ДР-дин Кьилин стипендия тестикьарнава. ДР-дин Кьилин стипендия 2018-йисан 1-сентябрдилай са йисан девирда «Московский государ-ственный медико-стоматоло-гический университет имени А. И. Евдокимова Министерства здравоохранения Российской Федерации» ФГБОУ ВО-дин стоматологический факультетдин 4-курсунин студентка Салманова Шахзада Салаудиновнадизни тайинарнава. КIелуна ва илимдин ахтармишунра агалкьунар авай ва университетдин общественный уьмуьрда активвилелди ишти-ракзавай Шахзада Салманова Кьасумхуьрелай я.
Президентдин грамота
Фарман.JPGКьасумхуьрелай тир Фарман Эльманович Меликова 2009-йисуз юкьван школа, гуьгъуьнлай Дагъустандин политехнический институт хъсан къиметар ва чирвилер аваз акьалтIарна. Алай вахтунда ада Дагъустандин Жегьилрин парламентда кIвалахзава. Гьа са вахтунда, ада общественный кIвалахрани активвилелди иштиракзава.
Мукьвара Фарман Меликоваз РФ-дин Президент В. В. Путина 2017-йисуз Сочи шегьерда Виридуьньядин XIХ-жегьилрин фестиваль тухуник лайихлу пай кутунай Гьуьрметдин грамота ва махсус медаль гана.



Лайихлу къимет
Пакизат.JPGИ йикъара муниципальный райондин Кьил Нариман Шамсудинович Абдулмуталибова яратмишунин гзаф йисарин дурумлу зегьметдай, дуьньядин, урусрин ва Дагъустандин классикрин эсерар лезги чIалаз таржума авунин карда къазан-мишнавай агалкьунрай шаир Пакизат Фатуллаевадиз «Су-лейман-Стальский район» муниципальный райондин Гьуьрметдин грамота гана.
Ам «ДР-дин культурадин лайихлу работник» гьуьрметдин тIварцIин сагьибни я.




Автор: Хазран Касумов

Источник:  газета "Кюринские известия" №01 от 11 января 2019 года



Количество показов: 347
30.01.2019

Возврат к списку