Подшивка за 2016 год. №40
Райадминисрацияда
Илимрин доктор кьабулна
Алай йисан 8-августдиз «Сулейман-Стальский район» муниципальный райондин администрациядин заседанийрин залда нубатдин совещание кьиле фена. Адан кIвалахда муниципальный райондин Кьил Нариман Шамсудинович Абдулмуталибова, администрациядин Кьил Штибег Гьажимегьамедович Мегьамедханова, адан заместителри, администрациядин къуллугърин, гьакIни районда кардик квай органрин руководителри, хуьрерин поселенийрин кьилери, теклифнавай юлдашри иштиракна.
Жегьилрин чирвилериз, агалкьунриз еке фикир гузвай чи райондин Кьил Нариман Абдулмуталибова и совещанидал, республикада виридалайни жегьилди тир илимрин доктор, чи районэгьли Заур Замирович Алисултанов, адаз школада тарс гайи муаллим Рагьман Рагьманов, физикадин факультетдин декандин заместитель Гьажимирза Рагьимханов, ДГУ-дин экспериментальный физикадин кафедрадин заведующий, физикадинни математикадин илимрин доктор, профессор Садык Садыков, физикадинни математикадин кафедрадин доцент Азим Нухов кьабулна.
РикIел хкин: Алай йисан 23-майдиз ДГУ-дин теоретический ва математический физикадин кафедрадин доцент, 27 йисан яшда авай, Заур Алисултанова «Электронные свойства свободного и энитаксиального графена» темадай агалкьунралди докторвилин диссертация хвена. Дагъустанда ам илимрин докторвилин тIвар къазанмишнавай виридалайни жегьил кас я.
Ихьтин еке агалкьунар къазанмишнавай, вичи чи райондин тIвар виниз акъуднавай, 2013-йисуз Дагъустан Республикадин Президентдин Грантдиз лайихлу хьайи, 2013-йисуз физикадинни математикадин илимрай жегьил алимрин арада кьиле фейи конкурсда гъалибвал къазанмишай Шарвилидин неве Заур Алисултановал чна вирида дамахзава, - лагьана Нариман Шамсудиновича.
Чухсагъул ихьтин гада хана чIехи авур адан диде-бубадиз, тарс гайи муаллимриз, - давамарна ада.
Н. Ш. Абдулмуталибова Заураз чи райондин кьегьал хва Имам Яралиеван чухсагъулдин чар ва «Рычал-су» заводдин патай виш агъзур манат, чи райондин фондунайни виш агъзур манат авай конвертар гана. Адаз гьакIни кIвал эцигдай чил гунин къарар акъудна.
И совещанидал Заур Алисултановаз «Почетный гражданин Сулейман-Стальского района» тIвар гунин къарар кьабулна.
Зауран тIварцIиз хуш келимаяр, Рагьман Рагьманова, Садык Садыкова, Азим Нухова, Алимет Мейланова лагьана.
Пул авай конвертни пишкешар Заураз школада тарс гайи муаллим Рагьман Рагьмановаз ва пишкешар атанвай амай мугьманризни гана.
Зи алакьунриз ихьтин еке къимет гунай, зун икI къаршиламишунай квез чухсагъул, - лагьана Заур Алисултанова.
Совещанидин 2-пай администрациядин Кьил Штибег Гьажимегьамедович Мегьамедханова тухвана.
Анал «Обиление экономики» проект уьмуьрдиз кечирмишун патал тухузвай кIвалахрин гьакъиндай» месэладай «сельсовет Ашагастальский» хуьруьн поселенидин кьил Низами Абдурагьманова информация авуна.
И месэладай анал ва амай хуьрерин поселенийра 1-августдалди авунвай кIвалахрикай администрациядин экономикадин отделдин начальник Саният Вагьабовади информация авуна.
Совещанидал чилер актуализация авунин гьалдин патахъай администрациядин Кьилин заместитель Саид Темирханов, МФЦ-дин директор Афисат Шагьмирзоева рахана.
ГьакIни и месэлайрин патахъай, Дербентда кьиле фейи совещанидал гьялай суалрин патахъай райондин администрациядин Кьилин сад лагьай заместитель Лацис Оруджева информация авуна.
Совещанидин кIвалахдин нетижаяр Ш. Гь. Мегьамедханова кьуна.
Чи хуьрер: аваданламишунин рекье
Гуьрчегвални жезва, къулайвилерни
«сельсовет Касумкентский» хуьруьн поселенида эхиримжи вахтара социальный рекьерай тухузвай кIвалахар, эцигзавай общественный дараматар, яшайишдин кIвалер, къайдадиз гъизвай куьчеяр акурла, рикIел Алибег Фатахова кхьей «Эцигзава, эцигзава, куьгьнеди чIукIур хъийизва, цIийиз хъийиз эцигзава…» гафар къвезва. Гуя абур шаирди къенин йикъара тухузвай кIвалахар, хъсанвилихъ жезвай дегишвилер акурла кхьейбур я.
Муниципальный райондин Кьил Нариман Шамсудинович Абдулмуталибовахъ, райадминистрациядин Кьилин 1-заместитель Лацис Оруджевахъ, «сельсовет Касумкентский» хуьруьн поселенидин кьил Далгат Бабаевахъ, адан заместитель Фазил Мамедяровахъ галаз чун и йикъара райцентрадал асфальт цазвай,хъвадай яд гъизвай, херхем вегьезвай са шумуд куьчедиз фена. Чаз акурвал, эхиримжи 2-3 вацран къене Кьасумхуьрел Муса Манарован, Свердлован, Крупскаядин тIварарихъ галай, Социалистическая куьчейра, райадминистрациядин кIанихъ галай переулокда асфальт цана, 350 метрдиз чиликай шланг кутуна Международная куьчедиз хъвадай яд гъана.
Са тIимил вахт вилик Кьасумхуьруьн майдандилай Цмур дередин ва Кьурагь райондин хуьрериз хъфизвай рекье – Аминован тIварунихъ галай куьчедани асфальт ава. Амма Аминован куьчедин эрчIи пата авай тротуар лап чIуру гьалда аваз гзаф йисар тир. Лекъвер, фурар акъатнавай анай инсанриз физ-хтун четин акъваззавай. Алай вахтунда и тротуар капитальнидаказ ремонт ийиз эгечIнава. Яни, анаг дуьзарзава, къайдадиз гъизва, чин пата плитаяр твазва.
- Куьчедин къерех тирвал тухванвай тротуарда неинки марф-кьеж авайла, жив къвайила, гьакIни гатун чими, алахьай йикъарани къекъвез хьун мумкин тушир, гьатта лекъвериз кIвачер аватна, инсанриз тIарвилер хьайи дуьшуьшарни са шумудра хьайиди я, - лагьана чаз зегьметдин ветеран, пенсияда авай муаллим Нажмудин Рагьманова. – Ингье, са шумуд югъ я 5-6 кас рабочийри тротуар цIийи хъувунал кIвалахар ийиз. Баркаллу и кIвалахдай чна райондин руководстводиз ва «сельсовет Касумкентский» хуьруьн поселенидин администрациядиз чухсагъул лугьузва.
Райондин центрадал ва амай хуьрера эцигунрин, рекьерни куьчеяр ремонт хъувунин кIвалахар кьиле тухузвай гьаларикай чна муниципальный райондин администрациядин Кьилин 1-заместитель Лацис Абидинович Оруджевахъ галазни суьгьбет авуна.
- Райондин хуьрер аваданламишун, кьилди къачуртIа, рекьерни куьчеяр къайдадиз гъун – им, райондин Кьил Нариман Шамсудинович Абдулмуталибова талукь къуллугърин, гьар са хуьруьн поселенидин администрациядин вилик эцигнавай кьилин месэлайрикай сад я, - лугьузва Л. Оруджева. – И тапшуругъ кьилиз акъудзавай гьал райондин руководстводин кьетIен гуьзчивиликни ква. Лугьун лазим я хьи, и рекьерай гьам райцентрадал, гьам гзаф хуьрера хъсанвилихъ дегишвилерни кьиле физва. Кьилди къачуртIа, рекьерни куьчеяр къайдадиз гъунин мураддалди районда рекьерин фонд тешкилна са шумуд йис я. Тек са алай йисуз рекьерани куьчейра асфальт цунин, цIийи куьчейриз херхем вегьинин кIвалахар кьилиз акъудун патал 23 миллион манат пул кутунва. Баркаллу и кардик кьилдин ксари-спонсоррини лайихлу пай кутазва. ИкI, мисал яз, район, хайиди тир Цмуррин хуьр патал баркаллу гзаф крар авунвай ва ийизвай Шайдаеврин хзандихъ мукьвал тир йикъара Кьасумхуьрелай Цмурдал кьван фенвай 8 километр рекье асфальт цунин кIвалахар гъиле кьадай фикир ава. Ихьтин жумарт, мерд рухвайризни агьалийри ва райондин руководстводи чухсагъул лугьузва.
«сельсовет Касумкентский» хуьруьн поселенидин кьил Далгат Бабаева ва адан заместитель Фазил Мамедярова чаз и поселенидик акатзавай КIахцугърин хуьруьз финни теклифна. И кардихъни себеб авай: хуьруьнвийри, мел авуналди, хуьруьз хъвадай яд гъизвай.
Ингье, чун Кьурагь (Арагъ) вацIун кьве патани экIя хьанвай, 200-далай виниз кIвалер авай, 700 кас агьалияр яшамиш жезвай КIахцугърин хуьре ава. ВацIун чапла пата авай хуьруьн паюна яшамиш жезвай агьалияр хъвадай целди таъминарун патал 20 тонндин цистерна эцигнава, адалай 25 кIвализ яд тухванва, куьчейрани кранар эцигнава.
Чун фейила вацIун чапла пата арадал атанвай саки 75 кIвал авай микрорайондиз куьгьне Дар-кIушрин хуьруьн мулкунай булахдин яд гъизвай. И кар патал къанал эгъуьнна, 600 метр шланг чиликай тухванвай. Поселенидин депутат Агьмедбег Селимова чаз лагьайвал, ина 2-3 чкадал цин кранар эцигда.
Чаз малум хьайивал, райондин руководстводи хьиз, Кьасумхуьруьн поселенидин администрациядини хуьрер аваданламишунин, агьалийрин яшайишдин шартIар хъсанарунин месэлайриз кьилин фикир гузва.
Хазран Кьасумов.
«Кьуьзуь хуьр» жегьил хъижезва
Малум тирвал, алай йисан 2-майдиз Чирагъ вацIун чапла пата, тIебиатдин гуьзел чкадал экIя хьанвай Сардархуьруьн 5000 йис тамам хьуниз талукьарна «Хуьруьн югъ» шад гьалара кьиле тухванвай. Гьелбетда, яшариз килигайтIа, хуьр «кьуьзуьд» я, адахъ еке ва баркаллу тарих ава, ам гзаф вакъиайрин шагьид хьана.
- Эхиримжи вахтара Сардархуьре аваданламишунин рекьяй хейлин кIвалахар кьиле тухванва, абур давамни ийизва, - лагьана чаз «сельсовет Алкадарский» хуьруьн поселенидин кьил Нурали Эмряхова. – Ша, чкадал фин, и кIвалахар квезни аквада.
Ингье, Нурали Эмряховахъ, поселенидин Собранидин депутат Ажибег Мегьамедхановахъ галаз чун хуьруьн куьчейра къекъвезва. СтIал Сулейманан, Махачкалинская ва А. Алимован куьчейра чаз акурвал, анриз херхем вегьена, куьчеяр дуьзарнава. Махачкалинская куьчеда ковщ галай трактор цин хвал ремонт хъувунал, 5-6 кас рабочияр, сварщикар газдин турбаяр сад-садахъ акал хъувунал машгъул тир.
- Чна хуьруьн куьчеяр гьяркьуь, газдин турбаяр цIийикIа тухун хъийизва, - гъавурда туна зун Нурали Эмряхова. – Квез аквазвайвал, и куьчеда кIвалерихъ галай усадьбаяр кIевирнавай сеткаяр чна анрин иесийрив 1-2 метрдин кьулухъ хутахиз тунва. И кIвалахар хуьруьн амай куьчейрани ийиз тада. Рехъ, куьче кьадай ихтияр садазни гудайди туш. Идан гъавурда инсанарни акьазва, имни хъсан кар жезва.
СтIал Сулейманан куьчеда са касди, виликдай кIвалерин сергьят тирвал янавай сетка алудна, са метрини зуран а паталай къванцин цал хъийизвай.
- Хуьруьн поселенидин администрациядин работникри, депутатри заз куьчедикай са тIимил чка зи усадьбадик кутунвайдакай лагьайла, за лазим тир чкадилай цIийиз цал эциг хъийизва, - лагьана чаз кIвалин иеси Магьамдалиди. – За и кар авун амайбурузни меслят къалурзава. Сад-кьве метр чил кьуналди гьич са касни девлетлу жезвайди туш. Куьчедиз, рекьиз вичиз талукь гьяркьуьвални хьана кIанда эхир.
Хуьруьн поселенидин Собранидин депутат Ажибег Мегьамедханова чаз лагьайвал, эхиримжи вахтара хуьруьн куьчейриз саки 60 машинда авай херхем гъана вегьена, анагар дуьзарна къайдадиз гъана. Ихьтин ва хуьр-кIвал патал тухузвай маса кIвалахра Сагьиб Алимова ва ихьтин кьегьал маса хуьруьнвийри чпин патай екедаказ куьмекар гузва.
Чун Сагьиб Алимова вичин пулунин такьатралди хуьре аялрин бахчадин дарамат эцигзавай чкадални фена. Дараматдал инсандин буйдилай кьакьанвал аваз яру къванерикай цлар хкажнава. Анаг 6 кIваликай ибарат я.
Нурали Эмряхова чаз лагьайвал, аялрин бахча 2017-йисан 1-сентябрдиз ишлемишиз вахкун планламишнава. Эцигунрин кIвалахар хъсан еришар ва тешкиллувал аваз давам жезва.
Чаз акурвал, Сардархуьре кьилин куьчейра асфальт цанва, инал-анал куьчейра цин кранар ала, хуларик турбаяр кутунва.
Кьве мертебадин, къавариз ракьни шифер янавай кIвалери, мерд хва Сагьиб Алимова вичин пулунин такьатралди эцигнавай гегьенш спортдин залди ва общественный маса дараматри хуьр мадни гуьрчег къалурзава.
Мукьвара хуьре кьилин куьчеда (ана школа, спортзал ава, аялрин бахча эцигзава) тратуар тухунивни эгечIда. И кар патални Сагьиб Алимова, хуьруьнвийрини пулунин такьатралди куьмекар гуда.
- Са рахунни алачиз, сад-вад йисалай Сардархуьр районда виридалайни гуьрчег, михьи хуьруьз элкъведа, - инанмишарна чун Ажибег Мегьамедханова. – Им вири жемятдин фикир-хиялни я, и кар патал чна зегьметни чIугвазва.
Хазран Кьасумов
Аялрин сагъламвилин «ОГОНЕК» лагерда
Алатай йисарихъ гекъигайла, цIи гьукуматди гатуз аялрин ял ягъуниз гузвай фикир екеди я. Алай макъамда республикадин ва гьакIни къецепатан жуьреба-жуьре аялрин лагерра школайра кIелзавай аялрин 2-потокди гатун каникулрин вахт кечирмишзава.
Мукьвара чун, Сулейман-Стальский райондин диде-бубайрин са десте, Кайтагский районда кардик квай «Огонек» тIвар алай аялрин сагъламвилин лагерда хьана. Чун аниз акъатунихъ вичин делилар авай, са гьафте вилик райондин УСЗН-ди тIвар кьунвай лагердиз райондай 35 аял рекье тунвай. Чун абурун ацукьун-къарагъун, тIуьнар-хъунар, ял ягъунин, сагъламвилин ва хатасузвилин месэлаяр авай гьаларихъ таниш жез фенвай.
Аялрин ДОЛ (детский оздоровительный лагерь) «Огонек» Мамедкъаладивай 10 км рекьин мензилда, федеральный рекьивай 4 км-дин къакъатна, Маджалисдиз физвай рекьин къерехда, там квай, серин, гзаф гуьлуьшан чкада экIя хьанва. Лагерь советрин девиррилай аялар патал, аламатдин кар яз аламукьай, са пипI я. Уллу-чай вацIун къерехда, мумкин я, виш йисарин тарарин арада, 11 гектардал, аялрин сагъламвал, абур азад вахтунда машгъуларун патал махсус лагерь арадал хкана кьвед лагьай йис я. Ина Дагъустандин гзаф районрай ругуд йисалай цIувад йисалди авай 400-дахъ галаз аялри ял язава, сагъламвал мягькемарзавава. Абурун къуллугъда чпиз махсус чирвилер авай 49 пешекарди кIвалахзава. Чун таниш хьайи Дахадаевский райондин КЦСОН-дин пешекар-психолог Асият Яхьяевади, алай вахтунда ам ина Сулейман-Стальский райондай фейи аялрин отряддин вожатый я, медсестра Рубият Абдуллаевади, Дербентдин 6-нумрадин школа-интернатдин медсестради, лагердин аялрин духтурди, Великент хуьруьн участковый духтур Байрам Байрамова ва тIуьнар гузвай блокдин са жерге кIвалахдарри ина тешкилнавай шартIарал, къулайвилерал дамахзава.
Лагердин кьиле Мегьамед Алиев ава. Ам вичин кIвалахдал, аялрал кьару, хъсан къилихрин, еке рикI авай къени инсан хьиз аквада. Москвадин Гьукуматдин юридический академия акьалтIарай Чарода райондай тир лакви гада республикадин аялар патал къулай шартIар тешкилиз кьве йис я. Ада чаз лагьайвал, эхиримжи 2 йисан къене лагерда гзаф ремонтрин кIвалахар тамамарнава, рекьер-дорожкаяр плиткайралди туькIуьрнава, рангарин цин фонтан кардик кутунва, ракъиникай далда хьун патал беседкаяр эцигнава. Гатфарихъ лагердин къекъведай рекьерин-жигъиррин къерехра 1000 сосна, кипарис ва 500 верхи тарарин къелемар акIурна. Алатай йисуз лагерда 300 аялди ял яна, цIи абурун кьадар 1450 жеда.
Санлай кьурла, Дагъустандин аялрин сагъламвилин лагеррикай чIехибурукай сад тир «Огонек» лагерда тешкилнавай шартIарал, йикъан гьерекатар ва серенжемар тухузвай къайдайрал чун рази яз амукьна. Къуй чи аялар, абурун пакадин югъ экуьди хьун патал гьукуматдиз ва кьилдин ксариз генани еке мумкинвилер хьурай!
Мизамудин Махмудов, ЦIийи Макьар.
100 зурба лезги
Ихьтин тIвар алаз мукьвара «Мавел» ктабринни журналрин чапханада, халкьдин фадлай вил алай, ктаб акъатна. Педагогикадин илимрин доктор, лезги зари, вич лезги халкьдин баркаллу рухвайрикай сад тир Къурбан Халикьович Акимован кIватIалда чи халкьдин виридакай хкатна аквазвай, чи милли тарихда дерин гел тур ва тазвай векилар тунва.
Къадим Кавказдин Албаниядин машгьур алимар тир Дасхуьруьнви Моисеялайни, Алпан Давдакьалай кьил кутуна кIватIнавай справочникда чи эрадин вири девиррин ва къенин йикъан зурба алимар, игитар, муаллимар, общественный деятелар, зарияр гьатнава.
Ктабдин редакционный коллегиядик тIвар-ван авай машгьур алимар, журналистар ква. А. М. Абдулгьалимов, М. Т. Алимов, Ф. А. Бадалов, А. А. Герейханов, Р. М. Гереев, И. М. Гьуьсейнов, М. А. Жалилов, А. М. Зербалиев, Г. А. Искендеров, К. А. Курбаналиев, Д. Ш. Шерифалиев ва масабур.
КIватIал республикадин лезги халкьдин алимдинни культурадин векилрин ассоциациядин теклифдалди чапнава.
Шад жедай кар я хьи, «100 зурба лезги» чи халкьдин игитвилин «Шарвили» эпосдин суварин вилик квай йикъара акъудна. Им гьар са лезги патал, вич лезгидай гьисабзавай, гьар са ватанэгьли патал дамахдай аманат хьанва.
Къуй чи милли руьгьдик лувар кутазвай автордиз Аллагьди яргъал ва сагъ уьмуьр гурай.
Мизамудин Махмудов, ЦIийи Макьар.
Меры обеспечения пожарной безопасности в школе и детском саду, правила пожарной безопасности
Пожар – это реальная угроза причинения вреда жизни, здоровью и материальным ценностям граждан. Зачастую в ходе его возникновения самой уязвимой частью участников пожара являются дети. Обеспечение пожарной безопасности в школе и детском саду предполагает устранение возможных причин неконтролируемого возгорания, обеспечение образовательного учреждения техническим оборудованием для его тушения и другие меры. Не все причины возникновения пожара зависят от людей, однако есть и такие, за которые ответственны сами люди. Это, в первую очередь, неосторожное обращение с огнем и неправильное использование электрических приборов. С целью устранения этих причин проводится обширная профилактическая работа с педагогами и родителями. В детских образовательных учреждениях в обязательном порядке преподаются правила пожарной безопасности для детей.
Меры пожарной безопасности в школе и детском саду означают соблюдение противопожарного режима и техники безопасности на учебных местах, обеспечение учреждения системами противопожарной защиты, проведение профилактических мероприятий. Эти меры значительно уменьшают вероятность возникновения пожара и облегчают спасательным службам непосредственно защиту и спасение людей от огня.
Детская пожарная безопасность – это целый ряд учебно-воспитательных и профилактических мероприятий. В него должны входить мероприятия районного и городского уровней – смотры-конкурсы, фестивали, викторины, соревнования, недели и месячники пожарной безопасности. В каждом детском саду и школе должны проходить занятия по пожарной безопасности, внутришкольные творческие конкурсы и другие учебные мероприятия.
Пожарная безопасность в школе представляет собой большой объем знаний, входящий в курс безопасности жизнедеятельности. С начальных классов и до окончания школы должны проводиться тематические уроки, конкурсы, викторины, творческие вечера, учебные тревоги и тренировочные соревнования. В ходе этих занятий систематизируются знания детей о причинах возгораний, о пожароопасных ситуациях, о горючих материалах, классификации пожаров, основных средствах тушения (вода, песок, огнетушители, асбестовые и брезентовые покрывала, а также ветки деревьев и одежда). Не менее важными являются знания о работе пожарных и спасательных служб. С этой целю сотрудниками государственного пожарного надзора проводятся открытые уроки, экскурсии в пожарных частях.
Правила пожарной безопасности в школе, поведение в случае пожара также является обязательным разделом. Пожарная безопасность в школе становится неотъемлемой частью знаний о технике безопасности.
Старший дознаватель ОНД и ПР № 11 по Хивскому, Курахскому, Агульскому и С.Стальскому району капитан вн. службы Керимханов В.К.
Чи аялар
Хадижа – конкурсдин гъалибчи
За гьасятда кьатIана: Хадижа Аминовади журналистдиз гузвайди сад лагьай интервью тир. ГьикI лагьайтIа, зи суалриз гъвечIи руша, чиник регъуьвал аваз, вилер чилиз килигиз, «эхь», «ваъ» лугьуз, жавабар гузвай. Адавай за маса тегьерда жавабар гуьзетни авунвачир.
И гъвечIи рушавай журналистди вуч патал интервью къачузватIа? – суал гун мумкин я кIелзавайда. И кардихъ вичин себебни авачиз туш. ИкI, 2015-2016-кIелунин йисуз Кьасумхуьруьн 1-нумрадин юкьван школада 2-классда кIелзавай Хадижа Аминовади кхьей «Город детства моих родителей» сочинение «В зеркале истории: Дербент – 2000 лет, номинация «Живая память прошлого» тIвар алаз школьникрин ва муаллимрин арада тухвай республиканский конкурсдин райондин паюна 1-чкадиз лайихлу хьана. И агалкьунрай Хадижа лайихлу хьайи 1-дережадин диплом ва махсус кубокни ада алай йисан 1-июндиз Кьасумхуьрел аялар хуьдай Международный югъ къейд ийидай мярекатдал Сулейман-Стальский райондин Кьил Нариман Шамсудинович Абдулмуталибован гъиляй вахчуна. Уьмуьрда ихьтин чIехи наградаяр сифте яз къачур Хадижадин шадвилихъ кьадар авачир.
Чи газетдин редакциядизни Хадижа адан муаллим Шамсият Къадимовади гъана. И кардихъни себеб ава: винидихъ тIвар кьунвай республиканский конкурсдин финалдин паюна Хадижа Аминовади кхьей «Город детства моих родителей» сочинение приздин 3-чкадиз лайихлу хьана. Хадижадиз 3-дережадин диплом гана.
- Хадижа вичин яшариз килигайвал зигьин, кьатIунар авай руш я, - лугьузва Ш. Къадимовади. – Ада школада вири тарсарай анжах хъсан къиметар аваз кIелзава, адаз лезги ва урус чIалар фасагьатдаказ чида.
«Мевер» заводда кьилин пешекар яз кIвалахзавай Хадижадин дах Ислам, райондин сайтдин корреспондент яз кIвалахзавай диде Раисани, абурун къени, жегьил хзанни чаз хъсандиз таниш я. Гьуьрмет-хатур авай, марифатлу и хзанда хана, чIехи жезвай Хадижадихъ кIелуна, конкурсра агалкьунар хьуни чун мягьтеларнач, бубайрин мисалда лугьузвайвал, катран мукай анжах кард къарагъда.
- Хадижа, конкурсра дипломар къачунвай хъсан руша кIвале дидедизни куьмекар гузва, тушни? – суал гана за чина милаим хъвер аваз акъвазнавай рушаз.
- Эхь, куьмекар гуз акурла, дидеди заз «Хадижа зи эрчIи гъил я» лугьуда, - жаваб гана ада. – Мадни, зун зи гъвечIи вахарихъ – Ферозадихъни Жамиладихъни гелкъвезва, абуруз кхьинар, манияр чириз алахъзава. Фероза цIи 1-классдиз фида, Жамила аялрин бахчада ава.
- ЧIехи хьайила, ваз гьи пеше къачудай фикир ава? – хабар кьуна за Хадижадивай.
- Заз духтур жез кIанзава, - жаваб гана Хадижади…
Алай йисан 1-сентябрдиз Хадижа Аминова 3-классда партадихъ ацукьда.
- Вахъ кIелуна, конкурсра агалкьунар, уьмуьрда бахтар хьурай, Хадижа, - лугьуз кIанзава чазни.
Хазран Кьасумов.
УТВЕРЖДЕНА НОВАЯ ФОРМА ГРАДОСТРОИТЕЛЬНОГО ПЛАНА ЗЕМЕЛЬНОГО УЧАСТКА
Приказом Минстроя России от 06.06.2016 № 400/пр утверждена форма градостроительного плана земельного участка.
В градостроительном плане земельного участка по-прежнему указываются:
- чертеж градостроительного плана земельного участка;
- информация о градостроительном регламенте, либо требованиях к назначению, параметрам и размещению объекта капитального строительства;
- требования к назначению, параметрам и размещению объекта капитального строительства на указанном земельном участке;
- информация о расположенных в границах земельного участка объектах капитального строительства и объектах культурного наследия;
- информация о разделении земельного участка.
Нововведением стало дополнительное отражение в градостроительном плане земельного участка следующей информации:
- о технических условиях подключения (технологического присоединения) объектов капитального строительства к сетям инженерно-технического обеспечения;
- о наличии границ зоны планируемого размещения объектов капитального строительства для государственных или муниципальных нужд (при наличии).
Не подлежащим применению признан Приказ Минрегиона России от 10.05.2011 № 207 «Об утверждении формы градостроительного плана земельного участка», которым ранее была утверждена данная форма.
Приказ вступает в силу 02.08.2016 года.
Помощник прокурора С.Стальского района, юрист 1 класса Я.К.Исмаилов
